Вай гьантрай Гъумук кIицI ларгунни Призывникнал кьини.

– ОьрчIрув! ХIакьину зу ккаккан буллалиссару аьралий къуллугъ буллан зува хIадурну бушиву мукъурттий бакъасса, иширайнугу. Армиялун аьркинссар кьуват, дакIнил гьавас ва низам. ДакI дарцIуну ура зу вай захIматшивурттугу дурхIуну, зула язими хасиятругу аьч дурну, жула район лайкьну ккаккан дантIишиврий. Кабакьиннав зуцIун! – увкунни райондалул аьралий комиссар
Аьли ГъазимахIаммадовлул.ТIайлабацIу чIа увкунни оьрчIал нитти-буттахъалгу.
Муния махъ оьрчIал ккаккан дунни призывникнал кьараллу. Аьралий къуллугъ буллан хIадурну бушиву хIисав буллай бия чурххал тивталшиврийну, дакIнил гьавасрайну ва кьуватрайну.