Жула кIиягу дунияллийх цIа дурксса спортсментал, олимпий чемпионтал барча бунни
Аьрасатнал Президент Владимир Путиннул ва ДР-лул БакIчи Сергей Ме­ликовлул.

ДР-лул БакIчи Сергей Ме­ликовлул барча дунни Да­гъусттаннал боксер Альберт Батиргъазиев боксрал Олимпий тIуркIурдал чемпион шаву.
«Барча дуллай ура Альберт Батиргъазиевлул Олимпиадалул тIуркIурдай ккаккан дурсса яргсса ххувшаву! Мунал ккаккан бунни щалла дунияллун цала рухIирал гужгу, лайкьшивугу, ххувшаврийнсса бюхъу-хъитгу!» – тIий чивчуну бур Сергей Меликовлул Инстаграмрайсса цалла страницалий.
Альберт Батиргъазиев бокс­рал Олимпий тIуркIурдал чемпион хьуссар 57 килорал кIушиврий, Американал Дьюк Реганнуяр ххув хьуну.
Ванал Аьрасатнал командалун ларсъссар 15-мур мусил медаль.
* * *
[dropcap]З[/dropcap]авур Угуевлул хъанай дур гьашину жулва лачIун­буккултрал ларсъсса цалчинмур мусил медаль. Дагъусттаннал лачIун­буккултрал школа цIуни­цIагу пьедесталданий!
Завурдул цукунчIавсса рай къабуллунни муттаэтура­хьхьун ва тасттикь бунни му чур­ххал кIушиврий цачIана иянсса ла­чIунукку акъашиву.
Ва ххувшаврия пахрулий бур спортсменнал кулпат бакъасса, жула щала билаятгу!
Барча дуллай ура Заурдулгу, мунал щала тренертурал штабралгу яргсса триумф! Барча­ллагь ххаллилну лачIун уккаврихлу ва спорт ххирашиврул эбрат ккаккан даврихлу!

ДР-лул БакIчи
Сергей Меликов