Набережнаялий цIусса ххуллу

Редукторный поселокрайсса Набережнаялийн ивманан шикку хъунисса някIсса турбарду хIисав хьунтIиссар. Ттизаманнул техникагу зий, зузалтгу булувкьуну. Шагьрулул агьлу ва хъамал ххари бансса даву! Цими шинъя ва даврих ялугьлай? Ахиргу поселокрал зума-къирагърай канализациялул турбарду бихьлай бур. Ванил тIиссар, утти хIажатхантту пляжирттайн экьи нанаврил нигь къадикIан аьркинссар, экологиягу ххуй хьун аьркинссар.

Зузалтрал бувсунни проектрайн бувну, циняр давуртту 2026 шинал инттунин къуртал дувантIишиву. Яла-яларив, ялунчIин гъинттул агьалинаща нигь дакъа хьхьирил щинавун бучIлан хьунтIишиву. Шиккува кIицI лаганна, Набережнаялий хъуннасса даву дуллай бушиву СВО-лул вирттаврал аьпа ябаврил ххуллийгу. Дагъусттаннал Жяматийсса палаталул вакил Алибек Аьлиевлул (жу ванайн багьавай Редукторныйлул мэр учару) хIарачатрайну, Буттал кIанттул цIанийсса Хъун дяъвилул фронтовиктуран ва СВО-лул Вирттавран хас дурсса стендру дур «Вирттаврал ирс» тIисса цIанилу. Ванал цала тIийкун, ялун нанисса никирангу кIулну бикIанширвул, жулва ттаттахъул цукунсса вирттал бивкIссарив ва вайннал наслу хIакьину СВО-лий билаятрал ва ппухълуннал цIа-кьини дуручлай бушиву. Гьаннайсса, Вирттаврал лайкьсса варисталну. СВО-лул Вирттаврал, 13 дагъусттанчунал, суратругу дур стендрай, миннал ттаттахъалсса, маччахъалссагу. Вирттаврал цIарду чирчусса улттивгу цIакь дурну, бувгьуну бур мурхьру. Ухссавнил Ккавкказнаву цамур бакъасса, тIивтIу ссавнилусса библиотекагу бур. Лях-карах Набережнайлийн бияйсса ттун хIисав шай, туристъталгума стендрачIа аглан хьуну, суратру ххал дуллай бацIайшиву. Мурхьру бувгьусса Аллеялул чIаравгу мукунма. ДикIай мероприятиярттугу. Гьаннайсса, укун ххуйсса кIану утти марцI буккан буллалисса давурттугу най душиву, Набережная, мяйжаннугу, шагьрулул агьулданун ва хъамаллуран ххира хьун кабакьу буллалисса хIуччардур. Аьлибек Аьлиевлул тIийкун, бигьалагансса марцIсса кIанугу, оьрчIан ва жагьилтуран тарбия дулаврил центргу, шагьрулул бучIантIимунил буруккинттарай бушиврул лишангу.