Дунияллул Халкьуннал музыкалул искусствалул байрандалул гьану бивзун бур 1974 шинал октябрьданул 1-нний ЮНЕСКО-лучIасса Музыкалул советрал.

Байран хIасул даврил агьаммур мурадгу хъанай бур классикалул ва ттизаманнул искусство машгьур даву, музыкалул культуралул хазнарду аьч баву, художествалул ва творчествалул кьиматрай думунил опыт кIибачIаву.

Музыка таржума буллан аьркиншиву дакъассар, музыкалул инсаннал дакIнивун хъинбалдарайсса, рувхIанийсса асарду биян буллалиссар. Композитор ягу балайчи, цума ухьурчангу искусствалуха зузиманан музыкалул яла хъунмур гуж инсантал цачIун бавриву бушиву кIулссар.
Искусствалул ишккаккултрал хьхьичI бивхьусса жаваблувсса масъала хъанахъиссар халкьуннавун музыкалия тIааьн ласунсса гъира, гьавас бутаву.
60-нния лирчусса шинну хьуну дур музыкалул искусство хьхьичIуннай давриха зузисса «Союз Музыкантов Республики Дагестан» тIисса жяматийсса идара сакин бувну. Ванил цачIун буллай бур цIанихсса композитортал, музыкантътал, балайчитал ва культуралул искусство ххирами. ХIакьинусса кьини республикалийгу, кьатIувгу тIалавсса ансамбльлавасса бур «Салам алейкум» тIисса концертрал бригада.

Музыкалул искусствалул ххуллий зузисса пишакартал барча буллай, чIа тIий ура цIуллушиву, давриву хъунисса хьхьичIуннайшивуртту, дунияллий дакьаву.
Дагъусттаннал Музыкантътурал союзрал правлениялул председатель Хан Баширов