Му хас дурну дур «Единая Россия» партия хIасул хьуну 20 шин шаврин. Декадалул 1-мур кьини, 1-мур декабрьданий, Региондалул инсантал кьамул байсса къатлуву халкьуннал лабизавуртту ххал дуллай ия партиялул Дагъусттаннал региондалул отделениялул секретарь Сергей Меликов.
Сергей Меликовлул кьамул бунни МахIачкъалалиясса чIявусса оьрчI-бакI бусса нину Диана АхIмадова, Каспийскалиясса Аймисай Амирова, Гъуниннал райондалиясса МахIаммад Шяпиев,1-мур группалул инвалид Муъминат Муртазялиева.
Инсантал кьамул бувну махъ Сергей Меликовлул Региондалул жямат кьамул байсса къатлуйн тапшур бунни ххал диргьусса циняр лабизавуртту, миннул хIакъиравусса хIукмурду биттур баннин ялувбацIаву даншиврул.
