Дунияллул халкьуннал дянивсса Хъаннил байрандалун ва Аьрасатнал халкьуннал Культуралул ирсирал шинан хасну хьусса щалвагу Аьрасатнал «Культурные выходные» акциялувух гьуртту хьунни жулла республикагу. Вай гьантрал дянив республикалул культуралул идарарттай хьунни 20 азарунния ливчусса инсантал гьурттусса личIи-личIисса шадлугъру, «Зун, ххирамий, «Интнин ххуллу булара», «Цинявннансса ирс» тIисса ва цаймигу акцияртту.

М. Горькийл цIанийсса Оьрус­нал драмалул театрданул цалва тамашачитуран ккаккан бунни Мольердул пьесалийн бувсса «Тартюф» спектакль ва бунни театрданувухсса экскурсия. Театрданул командалул мукунма бувунни онлайн-флешмоб «Зун, ххирамий», цил лагрулийгу хъами байрандалущал барча буллалисса.
Дагъусттаннал ссихьрал театрдануву хьунни «По ту сторону сказки» тIисса цIанилусса мастер-классрал серия. Вайннуй оьрчIал ххал бувунни цавувасса кукловодтурал гьунарду. Театрданул мукунна щаллу дурунни ляличIисса оьрчIансса проектгу.
П.С. ХIамзатовал цIанийсса Дагъусттаннал изобразительный искусствардал музейраву хьунни цалва карунних бартбису щащаврил ва Хъаннил байрандалун хасну открытка даврил дарсру.
Т. Мурадовлул цIаний­сса Дагъусттаннал паччахI­лугърал филармониялул Родопский бульварданий ккаккан дунни «Ххираминнансса музыка» цIанилусса концертрал прог­рамма.
А. Къапиевлул цIанийсса Лакрал музыкалул ва драмалул театрдануву хьунни «Интнил марч» тIисса цIанилусса шадлугъ.
Республикалул хъун-шагь­рулийнияр къачансса шадлугъру хьунни муниципалитетирттайгу. Дунияллул культурардал ва диннал тарихрал музейрал дунни выставкардайхсса экскурсия.
Нугъайнал халкьуннал инструментирттал оркестрданул ккаккан дунни концертру.
Мукунна республикалул махъсса шагьрурдал ва районнал культуралул зузалтралгу ккаккан дунни концертру, спектакльлу, мастер-классру, дурунни флешмобру, экскурсияртту.
ДакIний личIансса хьунни «Культурные выходные» акция.