Нисвартилул ялун, цIил щинаву бишин хьхьичI, щаращисса щин дутIирча, цIил хьуну махъгу яргну щюллисса ранг личIайссар.

* * *
Нисварти бусса цIил щинавун чансса горчица дичирча, нисварти тIааьнсса шай­ссар, лахъисса чIумуй зиягу къашайссар.

* * *
Накь (дукра) шахьан ца 10 минутI лирчIсса чIумалли кIункIурдуйн цIусса помидор дичайсса.

* * *
ТIиртIусса банкалувусса томатрал ялтту мяххи къадакьинтIиссар, томатрал ялтту чансса цIугу бивчуну, кIюласса къат ххяххиялул аьгъушиврулгу дутIирча.

* * *
Цаппара кIунтIру лимондалул сокрал аьркинну бухьурча, лимондалийн ганзсса ххалаххи кьувтIуну, зунна аьркинссаксса сок дуккан дувара (лимон кьукьин аьркиншиву дакъассар.

* * *
Лимондалува чIярусса сок дукканшиврул, га ца-кIира минутIрайсса кIирисса щинаву дишин аьркинссар.

* * *
ДачIра ххюттуйн чан-чанну ххув тIий хIарчIсса ахъулссаннул сок ягу томатрал сок хъин­ссар дукра лялиян дан хъуниминнангу, оьрчIангу.

* * *
Бивсса къалпузрал ккири цIай-цIай тIисса бикIайссар.

* * *
Ппиринж шюшин аьркин­ссар дяркъусса щинал жартлилу, нукIура щин дуртIуну кьабивтсса ппиринжрал тIин зия шайссар.

* * *
Ппиринж шавхьун хъинссар куртIсса, ганзсса чугундалуву.

* * *
Ппиринж кIяласса хьуну ччарча, гай шахьлахьисса щинавун дачIи лимондалул сок дутIин аьркинссар.

* * *
ЦIубичулувусса цIу хъунма­сса хIаллай къахъатайссар, агарда гивун цаппара кьавкьсса ппиринжрал ккуккурду бичирча.

* * *
Щаращисса щинавун ца­ппара къусри накIлил дутIирча, ппиринж къабаллалисса шай­ссар.

* * *
НакI щаралахълахъисса кIун­кIурдувун ца къурхъ качарданул дутарча, кIункIурдул чIан къа­лачIайссар.

* * *
НакIлил ччучрулул кьанкь гьаншиврул, чансса цIугу бивчуну, гъилину бунува кIункIур бишин аьркинссар дяркъусса щинаву.

* * *
Гъили накI цIансса кIанттай дишин аьркинссар, бургъил чаннал гивусса витаминну зия байссар.

* * *
Бартливух чансса накI хIал дарча, соус ягу подливка нис-вит къашайссар.

* * *
НакIливух дярххун хIадур дурсса горчица хъунмасса хIаллай яшайссар.

* * *
КIункIурдул чIанулух, чIирттайх явш буккарча, гивун дуртIусса накI ччясса мутталий (1-2 минутIрай) татайссар.

* * *
МикIлавчIсса ккунук шахьлахьийни хъя къаучайссар, агарда ккунукрал ккирттарайн 2-3 кIанайн ххалаххи кьутIирча.

* * *
Ккунукру хъя къаучайссар, ми шахьлахьисса щинавун цIугу бивчуну, чIанулу, кIура даен дурну, чяйлул бушкъапгу диширча.

* * *
КIяла ккунук (белок) хъахъи ккунукрая ххуйну личIи баншиврул ккунукрал кIивагу чулийн ганзсса ххалаххи кьутIин аьркинссар: кIяла ккунук буккантIиссар, хъа­хъимур гивува личIантIиссар.

* * *
Агарда ккири хъя учирча, хъахъи ккунук чашкалувун бувтIуну, ялун щин дутIияра. Укун ва 1-2 гьантлий холодильникраву ххуйнува личIантIиссар.

* * *
Хъахъи ккунук хIала бувх­сса кIяла ккунук бищун къашайссар.

* * *
КIяла ккунук ххуйну бищай­ссар, гивун цаппара кIунтIру дяркъусса щиналгу, къеп цIилгу бичирча.

* * *
ЦIуну бувсса ккунукру лахъи лавгминнуя личIи баншиврул бичайссар цIил щинавун (1л. щинавун 100 гр. цIил). ЦIуми бюкьайссар, лахъи лавгми ялун личайссар.

* * *
ЦIараяту букьайхтува ккунук­ру дяркъусса щинаву биширча, ккиртту бигьану ликкайссар.