МахIачкъалаллал мэр Жамбулат Салавовлул сертификатру ва цIусса квартирардал кIулли дуллунни ятинсса ва ургала акъа ливчIсса оьрчIан. ЦIусса квартирарду буллунни СВО-лий гьуртту хьусса ххюя инсаннангу. Чернобыллай атомрал электростанциялул авария хьусса ппурттуву зий ивкIсса МахIаммад Султановлунгу буллунни квартира.
– ХIакьину байрандалул даражалийсса кьинир, жува цIусса квартирардал кIулли дуллай буру миннух мюхтажминнан, жулва кумаграх мюхтажсса ятинсса оьрчIан», – увкунни мэрнал.
Ванал бувсунни, 2025 шинал региондалул бюджетрава вай иширттан 42, 6 миллион ккаккан бувну бивкIшиву, вайннух 9 квартира машан лавсшиву, квартирарду бачIаву кIунурду ­бувккун бушиву, ­хасъсса ­комиссия сакин бувну. Бувсунни гьашинусса шин къуртал хьуннин уттигу 50 инсаннан квартирарду булунсса пикри бушиву, республикалул хIукуматрал 195,4 миллион къурушрал бувшиву уттигу 41 квартира машан ласун.
– ЯлунчIинсса дачIи шинал мутталий 120 ятин квартирардал дузал увансса пикри буссар, –увкунни Салавовлул.

П. Рамазанова