ДР-лул ХIукуматрал 200 млн итабавкьуну бур «Мой Дагестан. Край, в котором я живу» тIисса дарс лахьхьайсса лу итабакьаву мурадрай. Мунил хIакъиравусса хIукмулий августрал 15-нний къулбас дурну дур ДР-лул ХIукуматрал председатель Аьбдулмуслим Аьбдулмуслимовлул.

Ва амрулул лагрулий республикалул Дуккаврил ва элмулул министерствалун итадаркьуну дур 198,5 млн къурушрал.
2023-2024-ку дуккаврил шиннардий ДР-лул бакIчи Сергей Меликовлул сипталийну зузи дурну диркIссар 1- 2-ми классирттал оьрчIан «Мой Дагестан. Край, в котором я живу» тIисса лу итабакьинсса ляличIисса проект.

Ларгсса дуккаврил шинал мутталий педагогтурал ва школалий дуклаки оьрчIал ва программалул лагрулий лархьхьуссар цала улклул культуралул ва тарихрал, цала традициярттал ва аьдатирттал дарсру.

ЦIуну бувсса школардалгу ласунтIиссар оьрчIансса дарсирдал пособияртту ва тетрадьру. Ва куццуйсса луттирду бакъассар жула билаятрал цайми регионнай.