Дайдирхьунни Лакрал театрданул щархъайнсса гастроллу. Уттинин гастроллу хьунни Вихьлив, Къянив, Хъювхъав ва 2-мур ЦIувкIрав – Ккуллал райондалий; Гъумук, ШавкIрав ва Щарав – Лакрал райондалий.

КIицI банну, Гъумук, гастроллай бунува, артистътурал, субботник дурну, марцI бувшиву Апанни Къапиевлул гьайкалданул лагмахалу.
Гьашинусса гастроллал лагрулий дия «Даркку дагьантту» тIисса, тамашачитуран ххира хьусса хъярч-махсаралул программа. Гьар шяраву тамашачитурал ххарину ва бусравну кьамул бувна актертал.
Вай гьантрай театр гьан тIий бур Хъурхъив ва Ахъушиял райондалийн.

Зулайхат Тахакьаева