Сергей Цивилевлул Сергей Меликовгу гьурттуну дунни Дагъусттаннал энергокомплексрал лябуккулун хасъсса батIаву.
Ваний ххал бивгьуна укунсса масъалартту:
ЦIанасса ппурттуву Дагъусттаннал электроэнергетикалул комплекс зузаврил даража;
2024- 2025 шиннардий къатравун гъилишиву дулаврил сезондалийн хIадур шаву;
Республикалий генерациялул объектру зузаву ва ялун нанисса чIумал миннул лябуккулул планну.
МахIачкъалаливсса Дусшиврул къатраву Дагъусттаннал бакIчи Сергей Меликовгу гьурттуну хьуна ДР-лул ЗахIматрал министерствалул сакин бувсса республикалул ччуччиялул ва энергетикалул комплексрал вакансиярттал ярмукIа. Ва бувну бия СВО-лул гьурттучитуран ва ветерантуран хасну.
Мероприятиялул мурад бия ца кIанттай цачIун баву энергетикалул, газоснабжениялул, навтлил хозяйствалул давуртту дуллалисса соискательтал ва давурттал дузал байми. Шикку бигьану лякъин бюхълай бия давуртту лякъин ччисса инсантал.
ЯрмукIалий гьуртту хьуна Аьрасатнал энергетикалул министр Сергей Цивилев, билаятрал мюхчаншиврул министрнал хъиривчутал Анна Цивилева ва Павел Фрадков.
ЯрмукIалий вакансияртту ккаккан бунни вай идарарттал: «Россети Северный Ккавкказ», «Рус Гидро», «Газпром межрегионгаз Махачкала», «Даггаз», «Дагэнерго», «Дагнефть», «Газпром Трансгаз» ва цайминнул, мукунма республикалул дуккаврил организациярдал.
Мероприятиялий гьуртту хьун оьвкуну бия «Защитники Отечества» фондрал вакилтурайн, студентътурайн ва школардал выпускниктурайн, СВО-лул 55 гьурттучинайн ва вайннал кулпатирттал члентурайн.
