ЦIусса шинал дайдихьулий ларгсса шинал мутталий хьхьичIунну зий бивкIминнан лайкьсса кьимат бищаву Аьрасатнал идарарттал цIакь хьусса аьдат дур. Ростехнадзорданул Ккавкказуллул управлениялул хъунаманал хъиривчу Артур Амутиновлул даврингу лайкьсса кьимат бивщунни кIицI лавгсса идаралул хъуниминнал.

Экологиялул, технологиялул ва атомрал ялувбацIаву дуллалисса Федерал службалул (ванийн кутIану Ростехнадзор учару) каялувчи Трембицкий Александр Вячеславовичлул цIаниятусса ХIурматрал грамота дуллунни Артур Амутиновлун Пятигорскалийн оьвкуну. ХIурматрал грамота дуллай, кIицI лавгунни Ккавкказуллалмур управлениялун тIайлабацIу хьушиву жаваблувсса, дакI цIуцIисса ва аякьа дусса Артур Михайлович тIайла ацIаврийну ва даву сантирай ва лябуккулий хьхьичIуннай шавриву хъуннасса хъар лархъун ушиву каялувчи хIисаврайгу, даврил мухIлу-хIин ххуйну кIулсса, бюхъу-бажар бусса пишакар хIисаврайгу.
ДакIнийхтуну барча уллай буру Артур Амутинов, ххарину буру ва хъуниминнангу бусравну ушиврия, лакрал агьлу гьармуниву итххявхсса, хьхьичIунсса бушиву исват буллай ушиврия.ЧIа тIий буру цIакьсса цIуллушиву ва дуллалимуниву тIайлабацIу!
ПатIимат Рамазанова