![](https://ilchi.info/wp-content/uploads/2020/01/image-27-12-19-06-31.jpg)
Цуми бунугу нитти-буттал талихI хъар хъанан бикIай тIайла бавцIусса, хьхьичIун бурувгсса оьрчIру шаврия. Мяйжаннугу, оьрчIал цала хьхьичуннайшивурттайну нину-ппу бюхттулгу, лахъгу бай.
Имара Саидова
ЦIусса шинавун бухлахисса байранналул гьантрай ххарисса хаварданущалсса чагъар бувкIунни Хъусращиял шяраву ялапар хъанахъисса ХIажикарин ва Баянат Гъапуровахъал кулпатравунгу, Севастопольлай аьралуннаву къуллугъ буллалисса вайннал арс Шамил лайкьну тарбия аврихлу.
ХIурмат бусса ХIажикарин МахIаммадович, Баянат Аьбдуллаевнай!
ДакIнихтуну барчаллагьрай буру зул арс Гъапуров Шамил цинявннан эбратну аьрали къуллугъ биттур буллай ушиврия. Шамиллул хIарачат бувну лархьхьунни аьрали техника ва ярагъ магьирну ишла буллан, учениярттайгу кутIасса чIумул мутталий ванаща ккаккан дан бювхъунни цала профессионализм.
АрхIал къуллугъ буллалиминнал ва командиртурал дянивгу Шамил бусравну, хIурмат-кьиматрай ур.
Зу, нину-ппу, лайкьссару пахрулий бикIан укун яхI-къирият дусса арс тарбия ан бювхъуну тIий.
ХIурматращал Севастополь шагьрулийсса
83576-мур аьрали частьрал командир И. Волков.