Вай гьантрай «Дагъусттаннал правда» кказитрал редакциялий кказит-журналлу машан ласлансса сертификатру республикалул медициналул учреждениярттан дуллалисса батIаву хьунни.
«Павлония» тIисса кафердал хъунама Ариф Мулаевлул ва «Фабриста» кофейнярдал вакил ХIажи Загьировлул ттурш-ттуршазарда къурушрал сертификатру дуллунни МахIачкъалаллал азарханалул хъунама хIакиннал хъиривмур Лайла ХIажиевахьхьун ва Республикалул Анаварсса кумаграл азарханалул хъунама хIакин МахIаммад НухIбаговлухьхьун. Вай сертификатирттай ккаккан дурсса арцух машан ласавантIиссар республикалул кказит-журналлу.
Ва бизнесрал кказитру-журналлу ккалаккаврил ххуллийсса «Дагпечатьрал» акция машгьур буллалисса давур. Азарханардай хъин хъанахъисса къашайшалтрайх кказитру бачIавантIиссар Жяматийсса ка-кумаграл штабрал «ЦачIу ккаланну» тIисса волонтертурал ккурандалул вакилтурал.
ПатIимат Рамазанова
