Ялавай бишлай буру «Краснодар» тIисса телеканалданий жула Виричуная кусса му­къул текст:
«НурмахIаммад ХIажи­ма­хIаммадов увну ур Дагъус­ттан­нал хъун бакъасса шагьрулий Южно-Сухокумскалий. Ванал ппу Энгельс ХIажимахIаммадов бусса оьрмулий зий ур аьраличуну. Арсгу чIивинияцIа хияллай ивкIун ур буттал шаттирдайх гьан.
Дуклан увххун ур Рязаннал гьавалул-десантрал лаваймур училищалийн, му къуртал байхту къуллугъ буллай айивхьуну ур Аьрасатнал ВДВ-лул 247-мур гвардейский десантно-штурмовой Кавказский казачий полкраву.
Хасъсса аьралий операция байбишайхту, НурмахIаммад, пикри къабувну, цалчинминнавух лавгун ур Аьрасатнал мурадру буруччаврил цIаний талан. Националистътурал лагма рургьуну, ххассал хьунсса чаран къаливчIукун, цала каниву лирчIсса махъра-махъсса граната пIякь чин дурну, лагма рургьумигу пIякь учин бувну, жан дуллуну дур НурмахIаммадлул.
НурмахIаммадлул эбратрайну бусан бюхълай бур цукун­сса икIан аьркинссарив къучагъ, цукунсса бикIан аьркинссарив Ватан дуруччаву къуллугърал буржну язи бувгьусса инсантал. Ва Буттал КIанттуйн дакI тIайлашиврул ва къучагъшиврул дарсри.
НурмахIаммадлул дия дурагу 25 шин. 2022 шинал март зуруй, Аьрасатнал Президент Владимир Путиннул указрайн бувну, ванан аьпалул хьуну махъ дуллуссар Виричунал цIа.