[dropcap]С[/dropcap]портрахун агьаврия мюнпат хьуншиврул жунма аьркинссар къулагъас дан чурххал ва оьрмулул хасшивурттах. ЦIуллусса оьрму байбишин шайссар ччимур чIумал. Амма, чIун ларгукун, жула чурххал хIал баххана шайссар, му хIал спортрахун агьаврийгу асар шайссар.
Оьрмулул шинну хIисав дурну, чурххавусса процессру личIи-личIину бачайссар. Хъамитайпалул оьрму тIутIайх бичлай бачайссар зувира шинаву. Муния махъ чурххал даву, чан-чанну тIий, хьхьара шайссар.
МукьцIалла шинаву хъамитайпалул чурххаву шайссар укунсса дахханашиннарду: бишив куклу шайссар 30%, нервардал тарг лагь шайссар 15%. Мунил бусласиссар жула сукку-кьютIулун ххишаласса чIун ва гуж аьркиншиву. Чурххал куклушиву лагь шайссар 20%, мунийну ттаркIру цIий дайдишайссар. Чурх зана-кьулуну бухьурчагума, хIасиллу ххуй даншиврул аьркинну бур хасъсса шаттирду ласлан.
ХьхьичIва-хьхьичI аьркинссар сакин дан зунна дакьлакьисса тренировкардал программа. ХIакинначIан лавгун, кIул дара зула чурххан къадакьайсса спортрал занятияртту дурив ягу дакъарив.
ДакIний битияра, найбунува чурххайн гуж бутан къабучIиссар. Спортрахун багьияра хIалли-хIаллих, гьантлия-гьантлийн гуж бутлай. Дянивсса аэробикалул тренировкардал зун кумаг бантIиссар къюкIлил цIуллушиву ядан. Миннул ялагу кумаг бантIиссар чурххал кIушиву яларай рутан. Мунияту, нюжмардий кIийлла-шамийлла 30 минут гьан дулувара лечаврил маршрутрай ягу велотренажёрданий. Чурх куклуну ва саргъунну бикIансса упражненияртту буллан аьркинссар гьарца кьини, уссал хьхьару оьрмулул бугьара хьуну махъгу жущава бахIин бюхъаваншиврул. Агарда, чIун-чIумуй спортзалданувун занансса сант дакъахьурча, чIяру дувара заназин. Машан ласияра шаттирду буцайсса зат ягу телефондалий дишара шаттирду буккайсса приложение. Кьинилун битан аьркинссар чанма-чанну 10000 ша.
Цуми гъалатIру къабучIиссар итабакьин?
Агарда зу ялув кIицI лавгсса маслихIатру биттур булларчагума, бюхъайссар цаппарасса гъалатIирттал зул цIуллу-сагъшиврун зарал биян бан. ХIарачат бувара ми гъалатIру иткъаххяххан. Хъаннил чIявуну язи бугьай фитнесрал укунсса журарду: йога ягу пилатес. Махъ бакъа, миннуя лябукку буссар чурххал куклушиву ядан, амма къюкIлийн, мускIуллайн аьркинсса гуж миннул къабутайссар. Аьркинссар пилатес ягу йога чурххайн гуж бутайсса упражнениярттащал цачIуну дуллан. ЗахIматсса тренировкарттайнгу занай, дукралул ялув къабацIарча, мугу гъалатIри. ЧIяру дара дикI ва хъюрув (бишив цIакь баншиврул) ва ялагу накIлил дукра (ттаркI кьянкьа даншиврул).
Зун аьркинссар хъуннасса чIун ва ссавур – найбунува мурад щаллу къашайссар. Амма цIуллу-сагъшиврул ва исвагьисса чурххал цIаний цичIар хIайп мачару.
