Вай гьантрай жул шяраву, хьхьунил лякьлуву, заллухъругу вив бунува, цIу ларчIун, МахIаммадханнул ва Ххадижатлул къатри ччурччунни. Къатригу, къатлувусса хъус-хъиншивугу ччурччуну, хъунмасса зарал хьурчагу, укунсса чIумал заллухъру сагъну личIаврийн щукрулий бикIан багьлай бур.
Жу, Москавлив ва Дагъусттаннай ялапар хъанахъисса Бархъаллал жямат, хъунмасса барчаллагь тIий буру, мугьлат бакъа леххаврий бувккун, цала оьрмулун хъуннасса нигьачIаву дусса тагьарданий цIу ларчIсса къатрава заллухъру буккан бувсса, жула шяравасса Оьмари ва Разият Даудовхъахь.
Мукунма барчаллагь тIий буру ччясса чIумул мутталий цIу лещан дан бувкIсса Лакрал, Ахъушиял, Лаващиял, Гергебиллал районнал цIу лещан дай къуллугърал пишакартурахь.
Бала-апатI байщун баннав, Аллагьнал урувччуну лякъиннав гьарцагу чув!
Бархъаллал жяматрал
цIания ПатIима Хамзина
