Ватан дуруччултрал байрандалул гьантрай ЦIусса­лакрал райондалул школартту хIала бувххунни Щалагу Аьра­сатнаву нанисса «Письмо защитнику Отечества» тIисса акциялувух.
Дуклаки оьрчIал чивчунни чагъарду хасъсса аьралий операциялуву гьуртту хъанахъисса аьралитурачIан. ОьрчIал барча бунни аьралитал Ватан дуруччултрал кьинилущал, чивчунни миннал дакI дансса махъру.

КIицI лаган, ЦIуссалакрал райондалул школартту гьуртту хьуссар цаймигу патриот акциярдавух. Дуккаврил шин дайдирхьуния шийннай «СаллатIначIансса чагъар», «Фронтрайнсса открытка» акциярдал лагрулий райондалул дуклаки оьрчIал чIявусса чагъарду чивчуссар хасъсса операция нанисса кIанттурдайсса аьралитурачIан. Вай шаппату­сса чагъарду бигьа дакъасса тагьарданий къуллугъ буллалисса саллатIнан дакIнил малхIанну хъанай бур.