ЦIуминалийсса ЦIуссалакрал райондалийсса ХI. Адамовлул цIанийсса ЦIуссачIурттащиял школалул зузалтрал ва дуклаки оьрчIал Украиннал аьрщарай нанисса хасъсса аьралий операциялуву гьуртту хъанахъисса аьралитуран кумагран тIайла дур­ккунни 10 посылка.

Жула аьралитуран гъилисса янна, дукия, медикаментру ва цаймигу аьркинсса кьай-кьуй цачIун дурсса посылкартту гьан дунни Каспийск шагьрулул хьхьирил пехоталул 177-мур полкравун. Тичча вай тIайла дуккантIиссар хасъсса аьралий операция нанисса зоналийн.
Аьралитуран гуманитар кумаг баврил сиптачиталну бувккунни ЦIуссачIурттащиял школалул коллектив, дуклаки оьрчIру ва миннал нину-ппу.