Вай гьантрай шяраваллил патриот, тIайлашиву ххирасса ххаллилсса гьунчIукьатIири душнил ХIажимирзаева Умаматлул юбилей кIицI лаглай бур.
Жяматрал ккурандалул чулухагу, ттула цIаниягу дакIнийхтуну барча тIий яргсса душнихь бувсса кьини, чIа тIий буру цIакьсса цIуллушивугу, талихI-тирхханнугу, дуллалимуниву тIайлабацIугу.
Я Аллагь, ина, лайкьну, адаврай тарбия бувсса оьрчIал ххари буллай, оьрмулул буччинцIа битаннав. Амин.
«ГьунчIукьатIи» ккурандалул каялувчи ХIажибутта ХIусайнов
ДакIнийхтуну барча буллай буру ххаллилсса тарбиячи, Ххюлуссуннал шяравасса Илияслул душ Залина Мавраеван дуллусса «ДР-лул кIулшивуртту дулаврил отличник» тIисса бусравсса цIа.
Залина бур педагогтурал наслулиясса. Ванил нину Зоя 25 шинай оьрчIал багъраву тарбиячину зий бивкIссар. Ниттил ппу МахIаммадпатIихI учительну ивкIссар. Ванал 40-нния лирчусса шинну дурссар школалий зий. Залинагу вайннал шаттирдайх лавгун бур. Политех университет къуртал бувну махъ садикрал тарбиячинал курсругу бувккуну, зий бур МахIачкъалаллал 78-мур садикрай. Шикку зузисса шиннардий ванил ккаккан бунни цуппа оьрчIругу, цилла давугу ххирасса лавайсса даражалул пишакар бушиву. 2022 шинал «Шинал тарбиячи» тIисса конкурсраву гьуртту хьуну, Залинал 3-мур кIану бувгьуссар.
Уттигъаннурив ванин дуллунни «Дагъусттаннал кIулшивуртту дулаврил отличник» тIисса цIа.
ЧIа тIий буру Залинан дуллалимуниву тIайлабацIуртту, давриву хьхьичIуннайшивуртту.
Цинявппагу ина ххирами,
вил хIурмат буми