Ххирасса буккулт, ва номердания байбивхьуну, жун пикри хьунни «Фотосуратирттайнусса жула тарих» тIисса рубрикалий чIумуя чIумуйн «Илчилий» ришлан жулла гьарцагу шяраваллицIун дархIусса суратирттал галерея. Ва базилух, ваца байбихьулул ва сисаврил ххуллий кунна, дуллай буру Карашрал шяраваллицIун салкьи дурсса суратру.

Суратру хъунмурчIин дикIан аьркинссар тарихийсса ва жяматийсса агьамшиву дусса, чIумул, заманалул ссихI бусса, инсантурал ва иширттал яргсса лишанну хьхьичI дацIан дуллалисса. 
Ва мурадирал ялув жу хъунмурчIин лабизлайгу буру цумур-цагу жяматрал дянив чан бакъасса, гьарцагу агьамсса иширавух чялишну гьуртту шайсса вакилтурайн: ца ххисса хIарачат бивхьуну, цачIун дурну, тIайла дуккира, ягу диян дара «Илчилул» редакциялийн жува тIисса журалул суратру.

Чара бакъа оригиналлу аьркин хъанахъисса ишгу бакъархха, хIакьину ми гьан дан бюхълай бур ччарча почталийхчин, ччарча электрон адресрай, ччарчагу телефондалул кашилийхчин.

ХIурматращал «Илчилул» редакция