СунбатIул, муххал ххуллучитал, уссал усттартал, каруннил давуртту дувулт бакъассагу, муаьллимталгур. 1893-1914-ку шиннардий СунбатIлиясса Манаплул арс Адам 21 шинай зий ивкIссар дивирну, кьадину, яла муфтину Гъумучиял Хъун мизитраву. Муксса хIаллай лахъи лавгсса мизитрал муфти Лаккуй цама къаивкIссар тIар.
1920-ку шинал, Магьирлугърал революция хьусса чIумал, Аьрасатнаву, инсантуран буккин-чичин лахьхьин буллай, кIантту-кIанттурдай мактабру (школарду), ликбезру тIитIлай бивкIссар. Лакралгу, Ккуллалгу районну личIи даннин, 7 класс къуртал бувсса хъамитайпалух луглай, лявкъу­ссар ца сунбатIлидуш – ПатIимат (Буту ПатIу) тIисса, муххал ххуллучи БутIу Разул ва Нурижатлул душ. Му бивкIссар Гъумуксса ликбезирттал хъунмурну 1926-ку шиналнин. Яла, Камил тIисса шавкIрачунан щар хьуну, Бакуйн бивзссар. Камил зий ивкIссар Азирбижаннал кинофикациялул хъунама бухгалтерну, ПатIиматгу Низамил цIанийсса Магьирлугърал къатраву зун бувхссар.
СунбатIлидуш Хизриева ПатIимат Дарбантлив Пед­училищагу къуртал бувну, зий бивкIссар личIи-личIисса кIанттурдай: учительну цал Дарбантлив, яла Щурагь, Лаккуй РК ВЛКСМ-рал 1-мур секретарьну, яла, Москавлив, ВПШ-гу къуртал бувну, Ваччав РК ВКП-лул, яла КПСС-рал 2-мур секретарьну, махъ 20 шинай, КПСС-рал обкомрал хъаннил отделданул хъунмурну.

СунбатIличу Гьарунов Анвар Дарбантлив Горонорал хъунаману, яла Горкомпартиялул бувчIин баврил отделданул хъунаману ивкIссар. Яла махъ ДГПИ-лул кафедралул хъунаману зий ивкIссар. Мунала уссу Гьарунов Мала Москавлив Н. Крупскаял цIанийсса пединститутрал математикалул кафедралул хъунаману ивкIссар.
Москавлив Тимирязевлул цIанийсса Сельхозакадемиялуву доцентну зий ивкIссар ХIамидов ХIамид. Тиккура докторнал диссертациягу ахттар дурну, Москавлив Сервисрал университетраву дарс дихьлай ивкIссар Адамов Насруллагь. Уттигу СунбатIлив «КкунцIалу» агрофермалул гендиректорну зий уссар. СунбатIлия дистанционнайну Москавливсса университетравугу дарсру дихьлай уссар, тиккусса элмийсса журналданул редакторшивугу дуллай. Тивува зий буссар доцентну Амучиева Гуля Амучил душгу.
Екатеринбурграй 20 шинай физикалул кафедралул хъунаману «Горный университетраву» зий ивкIссар Исрапилов Рамазан.
Ростоврай РИИЖДП-луву, цал физикалул учительну, яла подготовительный отделениялул хъунаману зий ивкIссар МахIаммадов Муса, цIана мунал душ Наташа, физикалул элмурдал доктор, тивувасса кафедралул хъунмурну зий буссар.
Кронштатрай Хьхьирил академиялуву дарсру дихьлай ивкIссар капитан Манапов Муслим.
Гьанжилив ДГПУ-луву учеб­но-производственный отделениялул хъунаманал хъиривмурну буссия МахIаммадова Асият. ДГУ-лул тарихрал кафедралий зий буссар элмурдал кандидат ХIажиева Фарида.
Дагъусттаннал Технический университетрал философиялул кафедралий хъунаману зий ивкIссар Абасов Казбек, информатикалул кафедралий — элмурдал доктор Оьмаров Оьмар.
Муххал ххуллул гимназиялул директорну 25 шин дурссар Оьма­рова Розал.
Тахо-Годил цIанийсса педагогикалул НИИ-раву кафедралул хъунаману зий ивкIссар сунбатIличу Паталиев АбутIалиб Гъазиханнул арс, муналва кулпат ПатIимат Щурагь Педучилищалуву дарсру дихьлай бивкIссар.
ДГУ-раву математикалул кафедралий зий буссар Амучиева Таня.
МахIачкъалалив 1-мур школалий физкультура дихьлай уссар Маллаев Муса,
13-мур школалий филологну зий буссар МахIаммадова Зарема.
Аьрасатнавугу, Дагъусттаннайгу, щархъайгу учительталну зий бивкIссар, уттигу буссар сунбатIул. Ново-Хушетуллал школалий зий ур СунбатIлиясса 18 учитель, вайнна миннал цIарду: Асват Шихабуттинова – математикалул учитель, Роза МахIаммадова – байбихьулул классирттал учитель, Раиса Аьли­лова – байбихьулул классирттал учитель, Зенфира Саймаева – байбихьулул классирттал учитель, Мариям Оьмарова – байбихьулул классирттал учитель, Луиза Юсупова – байбихьулул классирттал учитель, Анисат Мирзаева – филолог, Марина Оьмарова – филолог, Зарема МахIаммадова – математикалул учитель, Аминат ХIажиева – ингилис мазрал учитель, Марина Расулова – ингилис мазрал учитель, Лайла Оьмарова – инглис мазрал учитель, Асх1аб Оьмаров – тарихрал учитель, Самера Оьмарова – химиялул учитель, Аьбдулла Идрисов – физикалул учитель, Нурият Салманова (Оьмарова) – математикалул учитель, Салимат Салманова – байбихьулул классирттал учитель.
МахIмуд Аьлилов