Декабрь зурул 4-нний Ккуллал райондалий хьунни Хъусращиял ва Вихьуллал шяраваллаву паркру тIитIаврицIун ва Хъуннеххайх,Ккул-Хъусрал чулийнмай нанисса ххуллий цIуну бувсса ламурду тIитIаврицIун дархIусса шадлугъру.
[dropcap]М[/dropcap]иннуй гьуртту хьун райондалийн бувкIун бия: Дагъусттаннал ХIукуматрал Председательнал цалчинма хъиривчу ХIажимахIаммад ХIусайнов, ххуллурдал ва транспортрал министр Ширухан ХIажимурадов, жяматийсса ишккакку Рапи Абакаров.
[dropcap]М[/dropcap]у кьинилул щаллушингу дуллай, хъамалгу багьайсса кьяйдалий кьамул буллай бия Ккуллал райондалул бакIчи Шамил Рамазанов, ванал хъиривми, райондалул къуллугъчитал, шяраваллал жямат, культуралул зузалт, школалул дуклаки оьрчIру, оьрчIал багъирдал оьрчIру.
Паркру ва ламурду тIитIаву хьунни хъинну хъуннасса сийлий. Дуруна мунин лархьхьусса тяхъашивурттугу. Райондалул жяматгу, шадлугърай гьуртту хъанахъими цинявгу рязину ливчIуна.
