Республикалул бакIчи Федор Щукиннул тапшурлугърайн бувну ДР-лул Хъус-хъиншиврул министерствалул Каспий хьхьирил зумардацIухсса объектирдал инвентаризация дувантIий бур. Акция дуллай бур МахIарамкантуллал райондалия Къизлардал райондалийн дияннинсса лахъишиврий.
ЦIанасса ппурттуву архиврду салкьи бувну бур, пишакартурал ххал бигьлай бур къатри ва миннул ихтиярдал документру, кадастрданийн лавсун бурив ягу бакъарив, градосроительствалул пландалуцIун бакьуну бурив ягу бакъарив. Къарабудахкантуллал райондалий капиталну дурсса къатрал ва миннул статусрал хъирив лавну бур. Ми учетрайн лавсун махъ дузал дантIий бур Каспий хьхьирил зумардайсса къатрал «юридическая схема», гьарца объектрал анализгу дурну. Яла му документ ккаккан бантIий бур республикалул каялувчинан.

Ххал бигьаврил хъунмур мурадну хъанай бур ми циняв объектру цачIун буван закондалийсса экономикалул иширттацIун, миннуя кумаг хъананшиврул региондалул экономикалул лябуккулун ва республикалул бюджетравун налогру гьарза шаврин.