Ноябрьданул 16-нний Каспийскалий хьунни Щайх Султан-Мутал аьпалун хасъсса, каруннах бияврил Дагъусттаннал чемпионат.
Аьли Аьлиевлул цIанийсса Спортрал къатраву хьусса республикалул бяст-ччаллай гьуртту хьунни 550-нния ливчусса спортсментал.
Турнир тIитIаврий гьурттучитурал ва тамашалун бувкIминнал хьхьичI аьла-ссаламрал махъру лавхъунни ДР-лул Спортрал министерствалул, МахIачкъалаллал администрациялул ва республикалул каруннах бияврил федерациялул вакилтурал.
Дагъусттаннал рукопашниктал бяст-ччаллий бувккунни оьрмулул 12-шинава 18 шинайн бияннин ва мунияргу лавайсса категориярдай. Миннал дурххунни 57 комплект наградарттал. Командарттава цалчинмур кIану бувгьунни МахIачкъалаллал шагьрулул, кIилчинмур кIану –Дарбантуллал ва шамилчинмур кIану – Къизлардал районнал.
Бяст-ччаллал хIасиллайн бувну дузал дантIиссар Дагъусттаннал цачIундур команда, му гьуртту хьунтIиссар СКФО-рал чемпионатрай.
