«Память гор» тIисса жяматийсса организациялул Лакрал райондалийсса отделениялул хъунама Юнус Эфендиев ивунни хасъсса аьралий операциялий щаву дирну шавай зана хьусса Гъумучатусса МахIаммадов Кьурбан Аздардул арсначIан. ЦIана ва ур ччан кьувкьуния махъ хъин хъанай.

Юнус Эфендиевлул Кьурбаннущал ххал бивгьунни хасъсса аьралий операциялул гьурттучитуран ва вайннал кулпатирттан кабакьулунсса чараннайн багьайсса суаллу. Эфендиевлул барчаллагь увкунни аьраличунахь паччахIлугърал мурадру буруччаврил ххуллий ккаккан дурсса къучагъшивурттахлу, чIа увкунни ванан ччясса мутталий ази лагаву.

КIицI лавгунни райондалий дуллай бушиву СВО-лул ветерантуран кумагрансса давуртту, кумаг буллай бушиву даврийн уххан ягу пишакаршиву лахьхьин.

Зулайхат Тахакьаева