Ирглийсса батIаву
Октябрьданул 27-нний Ккуллал райондалул администрациялул къатраву хьунни райондалул бакIчинал хъиривчу Юсуп Исякьовлул каялувшиндаралусса совещание. Шикку гьуртту хьунни райондалул идарарттал каялувчитал, шяраваллал администрациялул бакIчитал.
Совещаниялий ххал бивгьунни кIинттулсса сезондалийн райондалул инфраструктура ва идарартту хIадур баврил масъалартту.
ТIалав бунни райондалийсса ххуллурду бакьин баву, транспорт дузал даву ва ххуллурдай мюхчаншиву дуруччаврил даву низамрайн дуцаву.
Хъуннасса къулагъасрайн лавсунни райондалул идарарттал зузалтрал хьхьичI бивхьусса буржру бартбигьаврил ялув бацIаву. Совещаниялий мукунма ххал бивгьунни райондалул щархъавусса цаймигу агьамсса масъалартту ва кIицI лавгунни миннул хIакъиравусса хасъсса маслихIатру.