КIулсса куццуй, жула билаятрай апрельданул 1-нний дайдишай жагьилтал аьралуннаву къуллугъ буллан буцлацисса кампания — интнил призыв.

Лакрал райондалул администрациялул актовый залдануву хьунни ва масъалалун хас дурсса шяраваллал бакIчитуращалсса ва депутатътуращалсса совещание. Лакрал ва Ккуллал районнал аьралий комиссар Аьли ГъазимахIаммадовлул оьвчаву дунни шяраваллал бакIчитурайн, аьралуннаву къуллугъ бан буржлув буллалими призыврал комиссиялийн бучIан бан. Ванал бусаврийн бувну, гьашину комиссиялийн учIан ккаккан увну ур 182 инсан.

Бувсунни контрактрай къуллугъ бавриягу. Оьвчаву дунни чялиш дуккан дуван жагьилсса чиваркIуннан контрактрай къуллугъ баврил агьамшиврия бувчIин буллалисса давуртту. Бувсунни чIал къавхьуну дайдишин тIий бушиву, шяраваллавун занай, кIантту-кIанттурдайва агьалинащал хьунабакьлай, контрактрай къуллугъ баврил ялув хIакъиравусса суаллу ххал бигьлагьаву.

Зулайхат Тахакьаева