Ккуллал райондалий сакин бунни Украиннаву хасъсса аьралий операциялий гьуртту хъанахъисса аьралитурал ва мобилизациялул хьун бувсса инсантурал кулпатирттан кумагрансса Оператив штаб. Ванил каялувчину ур Ккуллал райондалул бакIчи Шамил Рамазанов.

Штабрал агьаммур мурадну хъанай бур аьралитуран, мобилизациялул хьун бувсса инсантуран ва миннал кулпатирттан кумаг баву, мобилизациялуцIун бавхIусса иширттая дакIру махIрум шаврища ми буруччаву, аьралитал хасъсса кIанттурдайн тIайла буккан чIарав бацIаву.
Штабрал зузалтрал датIлан­тIий бур халкьунная жула солдатътуран кумагрансса аьрки-къарцин.
Ва иширал чIарав бацIан ччи­сса цума-цагу инсаннаща бюхъайссар гьурттушиву дан ва штабрал дуллалисса давривух – арцуйну, дарурттайну, дуки-хIачIиялийну, лахху-ликкиялийну ва мукунма цайми иширттайну.
ШтабрайхчIин мукунма мюхтажминнаща бюхъантIий бур медициналул ва психологнал чулухасса консультациялул кумаг тIалав буван.
Ккуллал райондалий ва даврил жаваблувталну хъанахъи­ссар:
А.С. Давдиев – даврийсса телефондалул номер: 8(8722)-55-17-70; мобильный телефондалул номер: 8-928-524-81-71.
Т.О. Оьмариев – телефондалул номер: 8-928-538-86-64.
Штабрал кьамул дуллалиссар мукунна къатрал бак1рахсса кумаг аьркиннансса заявкарттугу.
Телефон: 8(8722)-55-17-70.
Жула оьрчIан-резер­вистъ­туран дакъа чара бакъассар цала-цала кулпатирттаву паракьатсса тагьар. ОьвтIий буру гьарцагу дакI цIуцIиманайн, ва иширал чIарах къабувккун, хIала-гьурттушиву дувара тIий!