Бачи канан кякан

Кякандалуву гьарзассар нацIушиву, хъун ххютту ххуйну зузи дайссар, амма витаминну къачIявуссар.
Хъинссар лякьлул, ххюттукалул, ччаруллал цIуцIавуртту думиннан, кьавс шайминнан, атеросклероз, холецистит, ревматизм, подагра ва псориаз думиннан.

* * *
Кякандалуву буссар витамин К, В группалул витаминну, Е витамин ва минераллу. Кякандалул (кьакьан бувминнулгу, миннуя дурну компот, сок), хъун ххютту кIукIлу дурну, кьавс хъанахъисса инсан рахIат айссар. Кякан хъинссар ттиликIран, кумаг байссар организмалува холестерин буккан бан, ххишаласса щин, цIу буккан бан.
Кякандалувусса пектиндалул чурххавусса радиация чан дай­ссар. Хъинссар кякан иммунитет цIакь дангу.

* * *
Кякан, калорияртту чансса ахъулсса хIисаврай, бучIи буллай бур 2-3 гьантлийсса диета дугьангу, кякандалуцIун щюлли чяй ва щингу хIачIлай. Мунил кумаграйну оьттувусса качар чан шайссар.

* * *
КIиз кьатIа тIисса инсаннан хъинссар, чурххавун нигь дагьсса инсангу паракьат шайссар.

* * *
Кякандалул сокрал ца-ца стакан хIачIаван аьркинссар гьантлун кIийлва, дукра дукан 30 минутIрал хьхьичI. Хъиннура хъинссар кякандалул ва гьивчул цачIусса сокгу.
ЦIуллуну битаннав.