ХIурмат бусса
Артур Анварович!

Вай гьантрай вил оьрмулул 65 шин бартларгунни.
Ина ЦIуссалакрал райондалунгу, цинявппагу лакран ва дагъусттанлувтурангу пахрулунсса инсанна, ЦIуссалакрал райондалул интеллигенциялул яргсса вакилтуравасса цара. Ххуйсса кIулшивурттугу ларсун, личIи-личIисса давурттай вила бюхъу-бажаргу ккаккан бувну, ина чялишну хIала увххунна Дагъусттанналгу, Аьрасатналгу политикалул иширттавух.
1999-ку шинал, гай бала-хатIасса гьантрай, ина, ярагъгу кIунттил бувгьуну, дяркъусса, хъартсса окопирттаву интербригадалий каялувшиву дуллай ивкIссара. Вил ттатталгу дуллуссар жан Буттал кIанттул цIанийсса Хъунмасса дяъвилий Ватан дуручлай. ХIатта ганал цалама ппу 30-ку шиннардий совет властьрал мадара тия-шия ищун увну ивкIхьурчагу.
Ина вила ниттилгу, бутталгу агьулдания ххуй-ххуйми хасиятру ларсъсса, лайкьсса арсра.
Вил ппу ца лахIзалийссавагу изан увну, дагъусттанлувтурал вилгу, вил агьлу-авладралгу чулийнмайсса хIурмат ккаккан барча, цува ца яла талихI бума инсан ушиврий мукIруну гьанссия.
Жу дакIнийхтуну барча дуллай буру вил юбилей! ЧIа тIий буру цIуллушиву, талихI-тирхханну. Муниярвагу бюхттулсса даражалийн лавхъун ккакканнав.
ЦIуссалакрал жямат

* * *
ЦIанакул бястлий бур биялсса
агьлу,
Исрапилхъал Артур жунгу
гъанссар тIий.
ЦIуссалакрал жямат, лавай
бавцIуну,
Вих ялугьлан бикIай «Акташ»
неххачIа.

Комсомол секретарь,
райисполкомру,
Вил канилух бувкссар жагьилну
уна.
Ина був ихтилат оьрус мазрайсса,
Туржума буван ччай, пикри
бувару.

Вил жагьил оьрмулийх цIу
лархъун дия –
Жяматрал дакIнивун ина
увххунав.
Гиччава най уна итххявхсса ияв,
КIулъя вин мухIлу-хIин
бан-битанмунил.

Ина бувсса хъярчру вила
дустурахь
Дарув чивчуссаксса малхIанну
шайва.
Райондалийн бувкIсса хъун
къуллугъчитал
ЦIа дуллан бикIайва, вил цIа
дургьуну.

Вин хъинну дакIнийссар
къавгъалул чIунгу,
Жула ЦIуссалаккуйн бивсса
балагу.
Вин хъинну дакIнийссар ссутнил
кьинирду –
Интербригадагу, автоматругу…

Ява, кIулну икIу, ЦIулакрал жямат
Муданмагу буссар вийн
барчаллагьрай.
Вин цIуллушивугу чIа тIийнма
буссар,
Уздан тухумдалул уздансса инсан.

Юбилейгу гьанссар, цамур
дучIанссар,
Хъиннура гуж хьуннав вил каши,
кьудрат.
Цими шин дуссарив щихьчIав
мабусав:
Вин ккавкмур бусларча,
арулттуршра дур.
Мирзанур