Ларгсса нюжмардий Лакрал райондалийн даврил аьрххилий бувкIунни «Дагавтодорданул» отделданул каялувчи Шамил МахIаммадов, «Дагводсервисрал» отделданул каялувчи Супиян МахIаммадов, «Центр ГО и ЧС» ГКУ-лул агьалинал мюхчаншиврул управлениялул пишакар Мираб АхIмадов.

Райондалул бакIчинал хъи­рив­мур Эльмира МахIа­ммадоващал ва «РСУ» АО-лул Лакрал филиалданул инженер Бахтияр Бариевлущал комиссиялул ххал диргьунни республикалул агьамшиву дусса Гъумуча Гъунивсса ххуллул участок. Шикку ттигъанну ларчIсса гуж­сса гъараллал ххуллу буцан бувну бур. Ва чIярусса шяраваллавунсса ххуллу базлазисса участокрал тагьаргу ххал диргьуну, пишакартурал ккаккан бунни тIабиаьтрал апатIрал биян бувсса зараллу анаварсса бущилий бухлаган бансса чаранну.

Зулайхат Тахакьаева