Аьф-лул Экономикалул министерстволул баян бувну бур «Лучшие практики наставничества» тIисса Аьрасатнал конкурсрал финал дикIантIишиву. Муний Дагъусттаннал чулуха гьуртту хьунтIий ур региондалулмур ятIапрай ххувшаву ларсъсса МахIачкъалаллал хьхьирил портрал АО-лул генеральный директорнал хъиривчув ХIажи-Мурад Абашилов.
— Конкурс баян бувну бивкIссар «Производитель труда» тIисса национал проектрал лагрулий предприятиярттал дянив. Дагъусттаннай ва проект щурущи дурссар 2022 шинал март зуруй. Хьхьирил портгу хьуссар ва конкурсрал цалчинми гьурттучитуравасса цану. Проект дур шанна шинайсса. Ванил мурад предприятиярттал даврил даража лавай шавур.
– Жу проектрай гьуртту хьусса даврил даража хьхьичIунмай хьуншиврулъя, жул умудгу сервисрал даража лавай бавур ва предприятиярттан дучIаймур гьарза давур. Жуща бювхъунни мурад бартбигьин. Жу чIун сахъла дарду. Вари жул агьаммур щаллушиннагу. Конкурсрай гьуртту шаву тIурча – дакI дакьинсса ишри. Цал-цал бакъа, оьрмулуву къашай даврия рязисса ишру. БакIрал пикрилуцIун бавхIусса цIу-цIусса идеяртту, чан-чанну тIий ласласисса шаттирду – вайри даврих цIуну урган уллалисса ва дахханашинна дуллалисса давуртту. Ванийну даврих ина ляличIину уруглагиссара, – тIий ур ХIажи-Мурад Абашилов.
Ва шинал конкурсрай гьуртту хьун тIий дур 785 компания, миннува 136 — хьхьичIунсса насихIатчинал цIардахлу бястлийсса.
Конкурсрал мурад – Аьрасатнал предприятиярттал насихIатчитал ялун личин бавур ва миннал чIарав бацIавур. Минналли щалагу компаниялул даврил даража гьаз байсса ва хъирив нанисса никирангу лахьхьин бувайсса, – тIий ур Аьрасатнал лябуккулул экономикалул министрнал хъиривчув Мурат Кеферов.
Ххувшаву ларсми барча бантIий бур Москавлив декабрьданул 7-нний, Даврил ва насихIатчинал кьинилул лагрулий.
Сагъират
Исмяилова
