Дагъусттаннал ХIукуматрал заседанияртту дувай залдануву Хъаннил байрандалул хьхьичI кьини хьхьичIунсса хъаннин паччахIлугърал наградартту дуллалисса шадлугъ хьунни.
Наградартту дуллуна Республикалул ХIукуматрал хъу­нама Аьбдулмуслим Аьбдулмуслимовлул. Ванал кIицI лавгуна, Да­гъусттаннал душру дакIнийхтунусса захIмат буллалаврийну республикалул оьр­му хьхьичIунмай хъит учавриву биялсса бутIа бишинну зий бушиву, архIала лас-къатлул, ичIаллил хъаргу лайкьну ларсун.

Наградартту дуллуна педагогикалул ва медициналул давур­ттай ккаккиялунну зузиминнун, паччахIлугърал къуллугъирттай чIярусса шиннардий захIмат бивхьуминнун.
Наградалун лайкь хьуминнавух бур Дагъусттаннал Печатьрал ва информациялул агентствалул хъунаманал цалчинсса хъиривмур Наида МахIаммадовагу. Ванин дуллуна Республикалул ХIукуматрал чулухасса ХIурматрал грамота.

ДакIнийхтуну барча буллай буру ванищал архIал наградарттан лайкь хьусса цинявппагу дагъус­ттан душру, чIа тIий буру цIу-цIусса хьхьичIуннайшивуртту!
ПатIимат Рамазанова