Лакрал райондалул бакIчину увчIусса кьини Зураб Куччаев муниципалитетрал хьхьичIвама бакIчи Юсуп МахIаммадовлущал ва Халкьуннал Мажлисрал депутат Марат Илиясовлущал ивунни Буттал кIанттул цIанийсса Хъунмасса дяъвилия зана къавхьуминнан дацIан дурсса гьайкалданучIа ва хасъсса аьралий операциялий Ватандалул мурадру буруччаврил ххуллий жанну дуллуминнан цIа кусса Аьпалул багъравусса мемориалданучIа тIутIив дишин.
«МемориаллачIа тIутIив дишаву – ва анжагъ цIакь хьусса аьдат дакъарча, жула Ватандалул тархъаншиву дуруччаврил цIаний ливтIуминнал аьпалул хьхьичIсса жула яла къалагайсса буржри», – увкунни Юсуп МахIаммадовлул.
Зулайхат Тахакьаева
