ЦIуссалакрал райондалул шяраваллал администрациярттал бакIчитал Зумаритавал байрандалул кьини бивунни 50-нния ливчусса кулпатирттачIан.
ЦIуссачIурттащиял шяраваллил бакIчи Карим Каралиев увкIунни ва кьини хасъсса аьралий операциялул гьурттучи Бадруттин Мажидовлул кулпатрачIан. КIицI лаган, Бадруттин Мажидов, хушрай хасъсса аьралий операциялий гьуртту хьун гьаннин, зий уссия полициялул отделданий.
Украиннал аьрщарай ва, най уна гьужум бай роталувун агьну, хьхьичI ххуттай талай ивкIун ур. ЦIана ва, щавурду дирну, хъин хъанай ур. Шяраваллил бакIчинал, чIявусса оьрчIру бусса Мажидовхъал кулпат барчагу бувну, ахъулсса ва нацIу-кьацIу дусса кьуцуртту буллунни.
Аьраличунал кулпатрал барчаллагь увкунни шяраваллил бакIчинахь муданнасса аякьалухлу.
Андриана Аьбдуллаева
