Сентябрьданул 15-нний Ккуллал райондалийсса Ваччиял школалий хьунни Дагъусттаннал Халкьуннал цашиврул кьинилун хас дурсса мероприятияртту.

Вайннул агьаммур мураднугу хъанай бур дуклаки оьрчIру ватан ххирану, Дагъусттаннал халкьуннал аслийсса аьдатирттал, культуралул кьадру буну тарбия баву, миллатирттал дянивсса дакьаву дуруччин лахьхьин баву.

Ва кьини дуклаки оьрчIал хIадур дурну дия Дагъусттаннал культуралия бусласисса видеоматериаллу, презентацияртту, выставкартту. Учительтурал бунни Дагъусттаннал тарихрая, шикку ялапар хъанахъисса миллатирттая бусласисса ихтилатру. КIицI лавгунни Дагъусттан, зунттал билаят бакъассагу, личIи-личIисса сянатру канилух дурксса, цала гьунардайну машгьур хьусса цIанихсса усттартал бусса щархъал мяъданну хъанахъишиву. арай щархъив машгьур хьуну душиву цIанихсса заргалтурайхчIин, вайми – тIахIунтту дувултрайхчIин, гайми – уссал усттартурайхчIин, бартбисуртту щащултрайхчIин. Бувсунни жучIава мудангу кьиматрай бивкIшиву ва бушиву шяраваллил хозяйствалуха зузисса инсантал. ХIакьинусса кьинигу республикалий душиву къалмул, нувщул, каландалул ва цаймигу бакIлахъия дучIан дуллалисса захIматкашнал шяраваллу, чIурчIав дунни зунттал щархъава бувкшиврий дунияллийх машгьур хьусса аьлимтал, шаэртал, композитортал, пагьламантал ва цаймигу хьхьичIун ливчусса зузалт.

Дуклаки оьрчIан дакIнин бувтунни Дагъусттаннал Халкьуннал цашиврул кьини кIицI лаглай байбивхьушиву 2011-ку шинал сентябрьданул 15-нния шиннай.
Ихтилатирттал лях-карах дуклаки оьрчIал суаллахьхьун балжисса жавабру дуллунни учительтурал.

Имара Саидова