Лакрал райондалул магьирлугърал къатраву хьунни ДАССР сакин хьуния шиннай 100 шин шаврин хас дурсса шахматирттал турнир. Му сакин дурну дия Райондалул магьирлугърал, жагьилтурал иширттал, спортрал ва туризмалул центрданул.
[dropcap]М[/dropcap]уний гьуртту хьунни Гъумучиял, ГьунчIукьатIрал, Ххюлуссуннал ва Кьубиял шяраваллавасса 17 инсан. Ххув хьуминнан буллунни дипломру, арцуйнусса бахшишру ва хъамакъабитулунсса сувенирду.
Цалчинмур кIану бувгьунни Ххюлуссуннал шяраватусса
Миллинов Аьбдулкамаллул; кIилчинмур — ХIусманов Маликлул, шамилчинмур — МахIаммадов МахIаммадлул.
