Н.М.Кураевлул цIанийсса ОьрчIал республикалул азарханалий лахъа-хъунну тIивтIунни хъунмасса хIаллай ялугьлай бивкIсса цIу дуккан дурсса эндокринологиялул отделение.

Шадлугърал даражалийсса мероприятиялий гьуртту хьунни Дагъусттаннал цIуллу-сагъшиву дуруччаврил министр Аьлиоьмар АхIмадов. Клиникалул хъунама хIакин Башир Махачевлущал вайннал кьувкьунни модернизированныйсса отделение тIитIлатIисса ятIул лиссу.

Дагъусттаннал ХIукуматрал кабакьулийну хъунисса дахханашивуртту дуллай, отделениялий цIу буккан бувну бур палатарду ва процедурарду байсса кабинетру, дузал дурну дур мюрщи къашайшалтрансса ва миннал нитти-буттансса рахIатсса ва нигьачIаву дакъасса шартIру.
Отделение цIу дуккан дав­­рил­ про­ект дурну дур оьрчIан рахIатшиву дикIансса, хIакинтураща ттизаманнул шартIирдайсса лавайсса технологиялул кумаг бан бюхъансса куццуй.

Андриана Аьбдуллаева