Гьашину августрал 17-нний Рутуллал райондалийсса Дюкъуллал шяраву дунни Шяраваллил кьини.

ЦIанасса ппурттуву архсса зунттавусса Шяраваллил кьинилун хасъсса шадлугъру даврил мяънагу, мурадгу хъун буллай бур, аьдатравун дагьсса байран дакъасса, буттал кIану ххирашиврул лишан хIисаврайгу.
Ва кьини Дюкъуллал инсантал шяравун бувкIун бия, Шяраваллил кьини даврияр, СВО-лий гьуртту хъанахъисса жула аьралитурацIун кабакьин, дяъвилул иширттавух гьуртту хъанай бивкIминнал хIурмат буван.
Мукунминнавасса хъанай бур СВО-лул гьурттучи МахIаммад Уруджев, Чачаннащалсса кIивагу дяъвилул гьурттучи МахIаммад Ибрагьимов, Къарабахрайсса иширттавух гьуртту хьусса БахIрам Аьлиев.
Дюкъуллал кьини хъун дуван увкIуна райондалул бакIчи Давуд Сулайманов.
Шагьрурдая бувкIсса хъамал хьунабакьлай бия музыкалущал, балайрдащал.
Ва кьини жагьилтурал дянив хьуна спортрал бяст-ччаллу, тIуркIурду, миннувух гьуртту хьуминнан дуллуна бахшишру.
Шяраваллил кьини ккаккан дурна щарнил жагьилтурал концертгу.
Дюкъуллал кьини сакин дуван кумаг бувну бур Идрис Аьлиевлул, Физули Уруджевлул, МахIаммад Ибрагьимовлул.
Арцуйнусса кумаг бувну бур СПК-лул председатель Бахттияр Ибрагьимхалиловлул ва ванал уссу Кьадиаьлил, ишбажаранчи Аьлижан ХIажиевлул ва шяраваллил администрациялул.

ХIасан Аьдилов