ЦIуссалакрал райондалий гьанттайнмайгу зий бур дялахърулул майданну. ОьрчIру бигьалагансса ва бялахъансса мероприятие хьунни уттигъанну ЦIуссалакрал шяравусса паркраву.

Ва сакин дурну дия райондалул Культуралул управлениялул. Программа дачин дурну бия Гулизар Сайпуллаева. ОьрчIру бялахъан баву мурадрай шикку сакин дурна авадансса спортрал программа, бувна интерактивный тIуркIурду. ЦIуссалакрал шяраваллил Культуралул къатлул директор, СВО-лул гьурттучи Башарат МухIадовал бувна оьрчIащал личIи-личIисса бяст-ччаллу, викторинарду. Райондалул библиотекалул зузалтрал дурна асфальтрай сурат дишаврил конкурс, мукунна оьрчIансса луттирдал выставка.
КIицI лаган, дялахърулул майдангу сакин бувну, оьрчIру патриот журалул ва цаймигу мероприятиярттавун кIункIу баву ЦIуссалакрал райондалул бакIчи МаматIи ХIамзатовлул сипталий хьуна.

Андриана Аьбдуллаевал