«Справедливая Россия – Патриоты – За Правду» партиялул кIицI лавгунни Донецкаллал ва Луганскаллал халкьуннал республикарттал ихтиярду, 2014-ку шинал цала кьамул дурсса куццуй, тархъансса ва щилчIав биялдарай дакъасса душиву.

Региондалийсса «Справедливая Россия – Патриоты– За Правду» партиялул отделениялул советрал ккалли буллай бур АьФ-лул Президент Владимир Путиннул Донецкаллал халкьуннал ва Луганскаллал халкьуннал республикарттал хIакъираву кьамул бувсса ХIукму хIакьсса бушиву. Ва хIукмулул агьаммур мурадгу Аьрасатнал Федерациялул мюхчаншиву ва мурадру буруччаврицIун бавхIусса бур, мукунма Донецкаллал ва Луганскаллал агьалинал мюхчаншиву дуруччаврил масъалартту хьхьичIун ласласисса бур. Яла-яла, халкьуннал ихтиярдал чулухунмайсса хIурмат буруччаврин ва цIанасса ппурттуву Донбассрай хъанахъисса иширттая рязину бакъашиву исват буллалисса бур.
Вай республикарттай хIасул хьусса тагьардануцIун бавхIуну, региондалийсса «Справедливая Россия – За Правду» партиялул отделениялул кьамул бунни Донецкаллал ва Луганскаллал халкьуннал республикарттаясса лихъачалтран гуманитар кумагру бансса хIукмурду. Партиялул отделениялул член Ислам ХIусайхановлул кIицI лавгунни хIадурну ушиву, цала харжлугъгу бивхьуну, 150 лихъачув кьамул ансса ва, аьркинну бухьурчан, миннаяр ххишалассагу кьамул ан.