[dropcap]А[/dropcap]ьрасатнал машгьурсса балайчи, актриса, телеведущая, Аьрасатнал ва Дагъусттаннал лайкь хьусса артистка Жасмин бувну ва хъунма хьуну бур Дагъусттаннал шагьрулий Дарбантлив. Дагъусттаннай къуртал бувну бур ванил медициналул колледжгу.
Жасминнул машгьуршивручIансса ххуллугу колледжрава байбивхьуну бур. Ва гьуртту шайсса бивкIун бур личIи-личIисса концертирттай ва кIанттул КВН-лул командалул программарттаву.
ХIакьину, Дагъусттаннайх кьини дурксса чIумал, цила чIиримур ватандалул агьулданул чIарав бацIан, ванил тIайла дурккунни Дагъусттаннайн коронавирусрал къашавайми хъин буллалисса медициналул персонал мюхчан хьунсса костюмру, очкив ва респираторду. ЦIанагу, Дагъусттаннайсса тагьар къулай хьун дурасса чIумал, ва кумаг ххуйну бучIи лякъинссар жула азарханардан.
Барчаллагь, Жасмин, чIиримур ватандалийх кьини дурксса чIумал ина дурсса чумартсса даврихлу. Каши ххи даннав, бюхълай личIаннав.
Андриана Аьбдуллаева