Вай гьантрай Гъумук хьунни оьрчIру аьралуннаву къуллугъ бан тIайла буклакисса шадлугъ.

Аьралий бурж лахъан наниминнахь ххуллухъин учин бувкIун бия гъан-маччами, райондалул идарарттал каялувчитал ва зузалт.
– Ххирасса оьрчIрув! Зу наниссару Ватандалул хьхьичIсса зула бурж лахъан. Му бурж лайкьну биттур бувну, чурхру цIуллуну, дакIру ххарину зула язиминнал ялун зана хьуннав зу, – увкунни райондалул бакIчи Юсуп МахIаммадовлул.
– Аьралий цIа дурксса жула ппухълуннан лайкьсса варистал букканнав зуя, оьрчIрув! ХIурматрай зана хьуннав зу! — ххи бунни райондалул аьралий комиссар Аьли ГъазимахIаммадовлул. БавтIми хъямала багьлай, хъамакъабитулун суратру ришлай, тIайла буклай бия аьралуннаву къуллугъ буллан наними, Заннал ябаннав тIий, Аллагьнайнгу лабизлай.

Зулайхат Тахакьаева