ЦIуссалакрал райондалий дайдирхьунни ссуттилсса призыврал кампаниялул даву. Октябрьданул 1-нний дайдирхьусса призыврал кампаниялул даву декабрьданул 31-ннийн бияннин най дикIантIиссар.
Утти повесткартту аьралий воекоматрайхчIин дакъассагу, Госуслугарттал порталданийсса «личный кабинетрайнгу» дукIлантIиссар.
Повестка тапшур дурну махъ призывник 20 гьантлул мутталий военкоматрайн учIан аьркинссар. Багьана-савав дакъана военкоматрайн къаувкIсса, призыврая махъаллил хьусса призывниктуран чIумуйнусса дазул кьатIувсса билаятрайн гьансса къадагъа дишинтIиссар.
Вай гьантрай Хасавюрт шагьрулул, Хасавюртуллал ва ЦIуссалакрал районнал Военкоматрайн комиссия бан бувкIунни ЦIуссалакрал райондалиясса жагьилтал.
Вайннащал хьунаакьин увкIунни ЦIуссалакрал райондалул администрациялул бакIчинал жяматращалсса мюхчаншиву дуруччаврил заместитель Макьсуд ХIамидов. Военкоматрайн бувкIсса жагьилтурал кIицI лавгунни аьралуннаву къуллугъ бан рязину бушиву.
ДакIнин бутан, аьралуннаву къуллугъ бан буцлалиссар 18-30 шинавун бияннинсса жагьилтал.
Жагьилтурал къуллугъ буллантIиссар аьралуннаву так ца шинайсса. Аьралуннуву къуллугъ бувну зана хьуну махъ, вайннахь ихтияр дур цала язи бувгьусса пишардай зунсса.
Имара Саидова
