«Мусил ссут» тIисса Аьрасатнал 27-мур агропромышленностьрал выставкалий Дагъусттаннал шяраваллил хозяйствалул предприятиярттал дурххунни 23 медаль: 15 мусил, 7 арцул ва 1 чарвитул.

Конкурсрал программалул жюрилул лахъсса кьиматру бивщунни «Дербенский завод игристых вин» ОАО-лул сурсатран (5 мусил ва 4 арцул медаль), «КМБ» ООО-лун (4 мусил), «Амир-С» ООО-лун (3 мусил), «Дербент Вино» ООО-лун (2 мусил), «Курбансервис» ООО-лун (1 мусил ва 2 арцул), «ПОШ» ООО-лун (1 арцул ва 2 чарвитул).
Миннуяр ххишалагу, Дагъусттаннал ХIукуматран дуллунни Гран-при ва диплом выставка лядуккан давриву бивхьусса захIматрахлу. Аьрасатнал Шяраваллил хозяйствалул министерствалул Дагъусттаннал Ветеринариялул комитетран буллунни Барчаллагьрал чагъар ФГИС ВетИС «Хорриот» компонентраву ичIаллил ризкьи сияхIрайн ласаврил давурттаву хьхьичIуннайшивуртту хьун даврихлу. Дагмелиоводхозрал директор МахIаммад Юсупов ва Мелиоратив мониторинграл центрданул хьхьичIунма инженер Хайбулла Аьлиханов хьунни «Новации в мелиорации» конкурсрал призертал.

«Мусил ссут» выставка хьуссар Москавлив октябрьданул 8-11-ннийнин Тимирязев центрданий.
Республикалия мероприятиялийн лавгун бивкIссар Дагъусттаннал ХIукуматрал председательнал хъиривчу Нариман АьбдулмутIалибов, ДР-лул шяраваллил хозяйствалул министрнал кIанайма Зураб Куччаев, министрнал цалчинма хъиривчу Шарип Шарипов, ДР-лул Ветеринариялул комитетрал председатель МахIаммад Шяпиев, ДР-лул КъюмайтIутIи бугьаврил ва аьракьи дуккан даврил комитетрал председатель Шарип Каримханов, ДР-лул чавахъирттал хозяйствалул председатель Ххадижат Щамххалова, Дагмелиоводхозрал директор МахIаммад Юсупов ва цаймигу.

Мероприятиялий цала сурсатру ккаккиялун дирхьуну дия Дагъусттаннаясса 30-нниха лирчусса шяраваллал хозяйствардал предприятиярттал ва ишбажаранчитурал: ООО «ПОШ», ООО «Аквариус», ООО «Кизляр Урицкий мясокомбинат», ООО «Ириб», ООО «Курбансервис», ООО «Полоса», ООО «Ширван», АО «Кизлярагрокомплекс», КФХ «Какашура Сют Булак» ООО «КМБ», ООО «Батыр Блойлер», ООО «Высокие молочные технологии», СПоК «Сила Кавказа», ОАО «Денеб», АО «Воды Рычал-Су», ООО «ЭКОКАВКАЗ», ГУП «Тидибский», Ассоциация пчеловодов РД, ООО «Агролайн», ООО «Дагфиш», ООО «Каспийский берег», ООО «Каспий рыба», ИП «Мустафаев», АО «Кизлярский коньячный завод», АО «Дербентский коньячный завод», АО «Дербентский коньячный комбинат», ЗАО «ВКЗ «Избербашский», ОАО «Дербентский завод игристых вин», ООО «Дербент Вино».

Выставкалул лагрулий хьунни пленар заседание, муний гьуртту хьунни Аьрасатнал ХIукуматрал председатель Михаил Мишустин, АьФ-лул вице-премьер Дмитрий Патрушев, АьФ-лул шяраваллил хозяйствалул министр Оксана Лут.

Давурттал программалул лагрулий хьунни АПК-лул цифровизациялул ва шяраваллил хозяйствалул цаймигу масъаларттан хас бувсса ккуркки столлу ва дискуссияртту.
Дагъусттаннал стендрал цIа машгьурну дия выставкалул гьурттучитурал ва тамашачитурал дянив. Жулла выставка ххал дуван бувкIунни АьФ-лул шяраваллил хозяйствалул министрнал хъиривчу Роман Некрасов, «РСХБ-Страхование» СКАО-лул гендиректор Сергей Простатин ва ­цаймигу.