Дагъусттаннал делегация Азирбижаннайн най бур
Дагъусттаннал делегациялул бакIчи хьунтIиссар Халкьуннал Мажлисрал председатель Заур Аскандаров.
Азирбижан Республикалул Милли Мажлисравунсса бувчIавурттай Тархъансса ПаччахIлугъирттал Содружествалул чулуха Наблюдательтурал миссиялувух дур Дагъусттан Республика. Азирбижаннал парламентравунсса бувчIавуртту хьунтIий дур сентябрьданул 1-нний.
Дагъусттаннал делегациялувух бикIан тIий бур Парламентрал председательнал хъиривчу Камил Давдиев, ДР-лул Халкьуннал Мажлисравусса Дагъусттаннал бакIчинал вакил Нюсрет Оьмаров, ДР-лул Халкьуннал Мажлисрал Миллатирттал политикалул комитетрал председатель Фирудин Ражабов ва цаймигу.
Дагъусттаннал вакилтал дунияллул халкьуннал дянивсса наблюдательтал хIисаврай зунтIиссар Азирбижан Республикалий Баку, Губа, Кусар, Хачмаз шагьрурдай.
ХIадур бувссар
ХI. Аьдиловлул