Октябрьданул 31-нния ноябрьданул 1-ннийнин АьФ-лул Цифралул министерствалул ва «Лаборатория Цифровой Трансформации» АНО-лул кабакьаврийну Дагъусттаннай хьунтIий бур «Каспийскаллал форум – 2024».

Форум хьунтIиссар Аьрасатнал ва Каспийскаллал региондалийсса уртакьтурал дянив хIала-гьурттуну зузаврил масъаларттал площадкану.
Ванил цачIун буллалиссар паччахIлугърал управлениялул, бизнесрал, экспертътурал ва аьлимтурал вакилтал цифровизациялул давурттал масъалартту ххал бигьланшиврул, Азирбижаннащал, Ираннащал, Къазахъисттаннащал ва Туркманисттаннащал цифралул бутIуву хIала-гьурттуну зузаву цIакь даншиврул.
Мероприятиялий гьуртту хьунтIий бур Аьрасатнал федерал идарарттал ва субъектирдал каялувчитал, Каспийлул чIаравсса регионадалул билаятирттал паччахIлугърал властьрал органнал вакилтал, ИТ компаниярттал зузалт, мукунма цифралул технологияртту, программартту ва лавайсса даражалул технологияртту дуккан дуллалими.
ПаччахIлугърал властьрал органнал вакилтуращал ва ко­мпаниярттащал цачIу ххал бигьинтIий бур Каспийскаллал региондалий цифралул технологияртту манзилданийсса зондированиялул, экологиялул, транспортрал ва цаймигу отраслирдаву щурущи даврил масъалартту.

ХIасан Аьдилов