Болельщикнал карта ласуншиврул гьан аьркинссар МФЦ-лийн ягу ванил отделениялийн. Зущалва ласун аьркинссар паспорт. Карта дузал даншиврул аьркинссар регистрация дуван «Госуслугардал» порталданий. «Мои документы» тIисса кIанай тиккусса зузалал рищунтIиссар сурат, ва суратри дикIантIисса болельщикнал карталийгу.

Агарда зува документ ласлай бухьурча электрон журалий, зухьхьун карта дулунтIиссар ччясса мутталий.
Болельщикнаща шайссар ласун 4 карта цалархIал. Ва карта дакъа къахьунтIиссар ласун футболданул тIуркIулунсса билет ягу абонемент. Документ ласун аьркинссар циняв тамашачитурал ва мероприятиялий гьуртту хъанахъиминнал, миннавух 14 шинавун бияннинсса оьрчIалгу. Заявленияртту кьамул буллалиссар «Госуслугардайхчил». Дузал бувну махъ документ бикIантIиссар личный кабинетраву. Карталийхчил билет ласласийни хIасул шайссар QR-код, стадиондалийн бухлахийни билетру ххал буллалиминнан телефондалуву ва код ккаккан барча гьассар.
ХIасан Аьдилов