Сентябрьданул 30-нний, щалва билаятрай кунна, Лаккуйгу хьунни Донецкаллал ва Луганскаллал Халкьуннал Республикартту Аьрасатнащал цачIун шаврин хас дурсса шадлугъру.

Гъумучиял дянивмур даражалул школалий, Центральный библиотекалул ва ОьрчIал библиотекалул хIадур дурну, хьунни «В единстве наша сила» тIисса патриот акция. Мукьилчинми классирттал дуклаки оьрчIал хьхьичI ва тарихийсса иширан хасъсса лекция бувккунни ЦБС-рал директор Мариян Аьшаевал.
ШавкIрав ЦТКНР-лул ва библиотекалул дунни «Вместе навсегда – Россия, Новороссия, Донбасс» цIанилусса батIаву.

ЧIарттал шяраваллил библиотекарь Диана ХIажиевал ва кьинилул шадлугърайн бавтIминнан дакIнин бувтунни ванил тарих.
Щардал шяраваллил библиотекалул хъунмур Ульяна Оьмаровал дуклаки оьрчIахь бувсунни ва кьини кIицI лаглан хьусса сававрттая. ХIадур дурну дия «Своих не бросаем» тIисса выставкагу.
Ва журалул батIавуртту хьунни цайми щархъайгу.

Бадрижамал Аьлиева